Coa ilusión do Entroido, o noso campamento transformouse nun circo cheo de cor, música e diversión. Durante estes días fomos malabaristas, acróbatas e artistas, e vivimos a maxia destas festas cheas de sorrisos e actividades.
A creatividade acompañounos nas manualidades: fixemos malabaristas de cartón, deseñamos o noso pequeno circo personalizado e preparamos un bol de palomitas para completar a experiencia.
Tamén houbo tempo para a acción e os retos.
Practicamos acrosport con figuras de circo, superamos misións secretas nas que cada quen tiña un personaxe propio do circo que debía protexer sen ser descuberto, e pechamos coa celebración do noso propio concurso de talentos, cheo de aplausos e risas.
Sen dúbida, foi un Entroido inesquecible.
Agora que baixamos o pano… cal será a nosa próxima aventura?
Andrea