Sempre quixen ser monitora e despois de facer o curso tiña moitas ganas de comezar as prácticas! Comecei as miñas ansiadas prácticas na Ludoteca de Verán do Lug2. Recordo que o primeiro día estaba moi nerviosa e ansiosa por empezar esta experiencia, aínda que os meus nervios calmaronse no momento que entrei pola porta. Encontreime con ambiente moi familiar e agradable, uns nenos e nenas encantadores e unha monitora coa que fixen equipo enseguida.
Na ludoteca cos nenos realizamos todo tipo de actividades deportivas, creativas, etc. coa temática de Mario Bross nas que os nenos e nenas estaban completamente implicados e expectantes.
Con todo esto queda claro que me encantou a miña primeira experiencia nunha ludoteca, paseino moi ben e lévome un bo sabor de boca e uns grandes recordos das monitoras e de cada un dos nenos e nenas.
Joanne