Ao inicio da velada, o noso monitor explicounos o xogo que faríamos esa noite: “o Rommel e Montgomery”. Costoume comprender a finalidade e necesitei que me repetisen a mecánica varias veces, agobieime ata que ao traballo en equipo resultou a mellor solución para todo, ca organización e a comprensión do xogo. Finalmente disfrutei dunha gran velada e cun bonito recordo de esa noite.
Clara
A día dous de campamento tivemos a sorte de desfrutar da segunda velada que se preparou, xogamos a “Rommel e Montgomery”, e xusto eu, e Clara, outra compañeira do campamento, fomos as capitanas de cada equipo. Os monitores explicaron o xogo, e ao comezo atopeime un pouco desorientada, pois escoitara falar dél pero nunca xogara, mais todo se calmou un pouco cando se dividiron os grupos e decateime de que había un par de rapaces que gañaran o ano anterior e sabían como funcionaba. Despois de que me axudasen a comprender mellor o obxectivo do xogo, decidimos xerar unha estratexia coa que todos estivesemos de acordo. Aínda que coa nosa estratexia conseguimos gañar, a clave, sen dúbida algunha, foi o xogo en equipo, pois eso foi o que fixo que todos o pasasemos xenial, gañasemos ou non.
Iria